​​​

Tæknilýsing – Bambahús (einföld eining)

Bambahús er 6,6 m² mátbyggt ræktunarhús, hannað fyrir íslenskar aðstæður. Með ræktunarsvæði á tveimur hæðum er hægt að nýta grunnflöt hússins vel.

Þótt grunnflöturinn sé aðeins 6,6 m² býður húsið upp á 9,3 m² ræktunarsvæði á tveimur hæðum, ásamt vinnuaðstöðu milli gróðurkerjanna.

Stærðir

• Breidd: 3,30 m

• Dýpt: 2,00 m

• Heildarhæð: 2,22 m

• Grunnflötur: 6,6 m²

• Ræktunarsvæði: 9,3 m² á tveimur hæðum

• Fjögur innbyggð gróðurker

Bygging og efni

Burðarvirki Bambahúss er úr galvaníseruðu stáli. Galvaníseringin veitir stálinu vörn gegn tæringu.

Húsið er klætt 10 mm fjölveggja polykarbónatplötum sem hleypa dagsbirtu inn í ræktunarrýmið.

Húsinu fylgir:

• Loftgluggi með stormjárni.

• Ný álhurð.

• Fjögur innbyggð gróðurker.

Innra skipulag

Bambahús er með fjórum gróðurkerjum, hvert um 100 × 120 cm að stærð og 30 cm djúpt.

• Hæð efri brúnar gróðurkerja: um 90 cm frá gólfi.

• Gangrými milli gróðurkerja: um 90 cm.

• Ræktunarsvæði á tveimur hæðum.

Hæð gróðurkerjanna skapar þægilega vinnuaðstöðu og auðveldar umhirðu plantna án þess að þurfa stöðugt að vinna niðri við gólf.

Hægt er að skoða aðrar hæðir eða sérútfærslur eftir þörfum, samkvæmt samkomulagi.

Uppsetning og stöðugleiki

Bambahús eru hönnuð til að standa á sléttu og aðgengilegu undirlagi.

Í einfalt hús fara að jafnaði um 800 kg af mold í gróðurkerin.

Þyngd moldarinnar gegnir mikilvægu hlutverki í stöðugleika hússins.

Því er mikilvægt að fylla gróðurkerin af viðeigandi magni moldar eins fljótt og kostur er eftir uppsetningu.

Ef húsið er sett upp án moldar þarf að tryggja það sérstaklega gegn vindi þar til gróðurkerin hafa verið fyllt. Þörf fyrir frekari festingar fer eftir aðstæðum á uppsetningarstað.

Mátbygging og sveigjanleiki

Bambahús eru byggð upp úr einingum sem hægt er að tengja saman og stækka eftir þörfum.

Meðal möguleika eru:

• Að tengja saman tvær eða fleiri ræktunareiningar.

• Að bæta við opnu vinnu- eða dvalarrými milli ræktunareininga.

• Að stækka eldra Bambahús með viðbótareiningum.

• Að óska eftir stærri eða hærri útfærslum.

Allar sérútfærslur eru háðar samkomulagi milli framleiðanda og kaupanda.

Ending og viðhald

Bambahús eru gerð úr galvaníseruðu stáli og polykarbónatklæðningu.

Húsin hafa verið í notkun við íslenskar veðuraðstæður og reynsla af þeim nýtist við áframhaldandi þróun.

Eins og með önnur mannvirki þarf að fylgjast með ástandi festinga, hurða, glugga og klæðningar og sinna viðhaldi eftir þörfum.

Endurnýting og verðmætasköpun

Bambahús eru framleidd með endurnýtingu IBC eininga sem fá nýtt hlutverk í ræktunarhúsum.

Með þessari aðferð nýtum við hráefni sem þegar er til staðar og sköpum úr því ný verðmæti innanlands.